د سټنډرډ ملي ادارې د حلالو سټنډرډونو د تخنیکي کمېټې غونډه جوړه شوه
دغه غونډه د اړوند کمېټې د رئیس او غړو په ګډون ددې ادارې په تخنیکي تالار کې ترسره شوه.
په دې غونډه کې د حلالو څارویو لپاره د خوړو او خوراکي توکو سټنډرډ او د اړوندو نورو موضوعاتو په اړه بحث او نظرونه تبادله وشوه. دغه سټنډرډ هغه اساسي شرایط ټاکي چې د خوړو د چمتو کولو یا تولید له مرحلې (له خامو توکو څخه تر وروستیو محصولاتو پورې) د حلالو څاریو لپاره د اسلامي احکامو پر اساس په پام کې نیول شوي دي.
حلال سټنډرډونه د یو نړیوال سټنډرډ په توګه د پاکو، صحي او د اسلامي شریعت سره سم د خوړو د کیفیت استازیتوب کوي او د اسلامي او غیر اسلامي هېوادونو ترمنځ د محصولاتو او خوراکي صنایعو د تبادلې په پراختیا کې مهم رول لوبوي.
