په سټنډرډ ملي اداره کې د کیفیت مدیریت سټنډرډونو اړوند غونډه جوړه شوه
د سټنډرډ ملي ادارې د کیفیت مدیریت سټنډرډونو د جوړونې تخنیکي کمیټې غونډه د اړوند کمیټې د رئیس او غړو په ګډون ددې ادارې په تخنیکي تالار کې ترسره شوه.
پدې غونډه کې د (ASTM E1212:2017) سټنډرډ کړنلاره له تخریب پرته د ازموینې مرکزونو لپاره د کیفیت مدیریت سیستمونو د رامنځته کولو مسودې او نورو اړوندو موضوعاتو په اړه د کمیټې د غړو ترمنځ بحث او د نظرونو تبادله وشوه.
د کیفیت مدیریت سټنډرډونه د لارښوونو او معیارونو یوه تولګه ده چې د محصولاتو او خدمتونو د کیفیت د لوړولو لامل کېږي او د فعالیتونو په ښه والي او د پېردونکو د رضایت په زیاتوالي کې مرسته کوي.
