د سټنډرډ ملي ادارې تخنیکي مرستیال د ودې لپاره د مشارکت ملي نندارتون او کنفرانس کې ګډون وکړ.
شنبه ۱۳۹۸/سلواغه/۷
د سټنډرډ ملي ادارې تخنیکي مرستیال او سرپرست خواجه جاوید صدیقي او د دغې ادارې د د سټنډرډونو د تدوین رییس غلام سرور همګام پرون جمعه ورځ د ودې لپاره د مشارکت په ملي نندارتون او کنفرانس کې ګډون وکړ.
په دغه کنفرانس کې ښاغلي صدیقي د انسا ادارې پر موخو بحث وکړ او ویې ویل چې دغه اداره په خپل ټول توان هڅه کوي، څو داخلي تولیدات او واردات تر خپل اغېز لاندې راولي او پر معیارونو برابر خدمات وړاندې کړي. د نوموړي په وینا هغه کمپنۍ چې غواړي تولیدات یې معیاري وي او په بازار کې ښه وځلېږي، دوی ورسره همکاري کوي.
د دې ترڅنګ د سټنډرډونو د تدوین رییس غلام سرور همګام د دغې ادارې اړوند پر ټاکلو موخو، خدمتونو او لاسته راوړنو بشپړ پرېزنټېشن وړاندې کړ.
یاد کنفرانس تېره جمعه ورځ په کابل سرینا هوټل کې په داسې حال کې ترسره شو چې په ورته وخت کې د مرغومې میاشتې له څلورمې نېټې تر شپږمې نېټې پورې د( عالي دي، افغاني دي) تر نامه لاندې درې ورځنی نندارتون هم وړاندې شو.
