د کابل پوهنتون یو شمیر استادانو او متخصصینو د سټنډرډ ملي ادارې د خوړو له لابراتوار څخه لیدنه وکړه
په دې غونډه کې د کابل پوهنتون د فارمسي پوهنځي یو شمېر استادانو، دمطابقت ارزونې رئیس محترم مفتي فضل الرحمن منصور، د سټنډرډونو د تدوین او ترویج رئیس محترم دیپلوم انجینر غلام سرور همګام، د پلان او پالیسۍ رئیس محترم رحمت الله ولي هم حضور درلود چې د سټنډرډ ملي ادارې د خوراکي توکو د لابراتوارونو اړوند مسوولینو لیدنه وکړه.
دغه ناسته د یاد هوکړه لیک د تطبیق په موخه چې په دې وروستیو کې د سټنډرډ ملي ادارې او د کابل پوهنتون د فارمسي پوهنځي تر منځ شوې وه، جوړه شوه.
د سټډرډونو د تدوین او ترویج رئیس په سټنډرډ ملي اداره کې د کابل پوهنتون د استادانو له شتون څخه خوښي څرګنده کړه او د دواړو لورو ترمنځ یې پر لا زیاتو همکاریو ټینګار وکړ.
د ترسره شوو کتنو له مخې د کابل پوهنتون استادانو په انسا کې د خوړو لابراتوار شتون د هېواد په کچه یوه مهمه لاسته راوړنه وبلله او د دغه لابراتوار د ښه والي او فعالولو په برخه کې یې د هر اړخیزې همکارۍ ژمنه وکړه.
