په هېواد کې د ساختماني چارو د معیاري کولو په موخه د سیخ ګول د تولیدي فابریکو د څارنې دریم پړاو پیل شو
په هېواد کې د ساختماني موادو د معیاري کولو او د څارنې د بهیر د دوام په موخه د سټنډرډ ملي ادارې د افغانستان د اوسپنې د استخراج له فابریکو څخه د څارنې او چک درېیم پړاو پیل کړ.
د سټنډرډ ملي ادارې تخنیکي مرستیال محترم مولوي محمد اصف قانت، د مطابقت او ارزونې رئیس محترم مفتي فضل الرحمن منصور او ورسره ملګري پلاوي چې مسلکي او متخصص انجینران په کې شامل وو، په کابل ښار کې د سیخانو د تولید شپږ فابریکې وکتلې.
دا پروسه د دې هدف لپاره ترسره شوې چې څنګه معیارونه پلي شي ، په ځانګړي توګه نړیوال معیار (ASTM 615) تولید کې ترڅو ساختماني توکي معیاري شي او د هیواد کورني تولید پیاوړي شي.
