په سټنډرډ ملي ادارې کې د پلاستیک او کیمیاوي سټنډرډونو اړوند تخنیکي غونډه ترسره شوه
د سټنډرډ ملي ادارې د پلاستیک او کیمیاوي سټنډرډونو اړوند د تخنیکي کمیټې غونډه ددې کمیټې د رئیس او غړو په ګډون سره د تخینکي غونډو په تالار کې جوړه شوې وه.
پدې غونډه کې د ASTM مایع کلورین په ځانګړتیاوو او د گلایسیل استیک اسید د ځانګړتیاوو په سټنډرډ او ورته موضوعاتو ددې کمیټې د غړو ترمنځ بحث او د نظرونو تبادله وشوه.
کلورین یو تر ټولو زیات کاریدونکی عنصر دی چې د معدني او فاضله اوبو په تصفیه، د پلاستیک په تولید، په نفتي توکو او نورو کې ډېر کارول کیږي. استیک اسید هم د باکتریا ضد خاصیت لري او د عفوني ضد صنعت کې ډېر کارول کیږي. دا ماده د خامو توکو په توګه د عضوي یا معدني مالګو په تولید، خوراکي توکو او همدارنګه په کرنه کې د واښه مړو کوونکو په توګه کارول کیږي.
