د انسا ادارې د عمومي رییس تر مشرۍ لاندې غونډه ترسره شوه
دغه غونډه د سټنډرډ ملي ادارې (انسا) د عمومي رییس ډاکټر محمد موسی علمي تر مشرۍ لاندې د (۱۳۹۸/چنګاښ/۱۵) نېټه د یکشنبې په ورځ د دغې ادارې د مرستیالانو، رییسانو او کارکونکو په ګډون د غونډو په تالار کې ترسره شوه.
غونډه د قرانکریم د څو مبارکو ایتونو په تلاوت سره پیل شوه. د غونډې په پیل کې د دې ادارې رییس ډاکټر محمد موسی علمي د سټنډرډ عالي شوری را منځ ته کول یوه لاسته راوړنه یاده کړه او په بندرونو کې یې د ساختماني موادو د لابراتوارونو د پرانیستلو په تړاو د چمتوالي خبر ورکړ. نوموړي د لابراتوارونو فعالول د په هېواد کې د سټنډرډ جوړولو لپاره یو مثبت ګام یاد کړ. د هغه په وینا چې د سټنډرډ ملي اداره به په هېواد کې د توکو د معیاري کولو لپاره اړین ګامونه پورته کړي او په دې سره به د توکو د کیفیت په اړه د خلکو اندېښنه له منځه لاړه شي.
ښاغلي علمي و ویل چې په ولایتونو کې دې د لابراتوارونو د فعالولو لپاره د چمتووالي یوه کمېټه ایجاد شي. د دې ترڅنګ د سټنډرډ ملي ادارې تخنیکي مرستیال خواجه جاوېد صدیقي په ټولنه کې د سټنډرډ اغېز د اهمیت وړ وباله او په وینا یې چې له یو بل سره په همغږۍ او همکارۍ سره باید د ادارې لوړې موخې تعقیب کړو. نوموړي په بندرونو کې د ساختماني موادو د لابراتوارونو پرانیستل ارزښتناک وګڼل او دا لاسته راوړنه یې د ادارې د زحمتونو پایله یاده کړه.
له دې سره سره احسان جلالزي تېره اونۍ له لاسته راوړنو ډکه وګڼله او د لابراتوارونو فعالول یې د یادې ادارې د ټولو کار کوونکو د زحمتونو نتیجه یاده کړه. همدارنګه د ننګرهار د سټنډرډ امر له ولایت مقام، ګمرک او اړونده برخو سره د غوره همغږۍ او همکارۍ یادونه وکړه.
د دغې غونډې په پای کې د سټنډرډ ملي ادارې رییس د غونډې ګډونوالو ته د یو لړ اقداماتو امر وکړ او په خپلو دندو کې یې د لا زیات دقت سپارښتنه وکړه.
