اړوندو څانګو ته د سټنډرډ ملي ادارې عمومي رییس لارښونه
د سټنډرډ ملي ادارې لوی رییس:
د تصدیق پاڼو وېش مهمه چاره ده، په دې پروسه د شونتیا تر بریده چټک کار کوو.
پنجشنبه
۱۷/تله/۱۳۹۹
د سټنډرډ ملي ادارې لوی رییس عزیز احمدزي دغه څرګندونې نن د رهبرۍ پلاوي په اونیزه غونډه کې وکړې. په دغه غونډه کې پر نوموړي سربېره د دې ادارې مرستیالانو، رییسانو، امرینو او کارکوونکو برخه درلوده. ښاغلي احمدزي په غونډه کې د خپلو خبرو پر مهال و ویل چې هڅه کوو، په نږدې راتلونکي کې د تصدیق پاڼو د وېش پروسه پیل کړو. هغه زیاته کړه دا مهمه چاره ده او باید په دې برخه کې چټک کار وکړو.
ښاغلي احمدزي و ویل د کار د لا غوراوي په موخه دې اړونده اداري برخې د عمل پلان جوړ کړي، څو له مخې یې خپلې چارې سنمبال او په کاري پروسه مثبت اغېز وکړي. نوموړي د ادارې د کارکوونکو د وړتیا په لوړونې تاکید وکړ او په وینا یې په دې برخه کې باید ټیم وټاکل شي، څو د کارکوونکو د وړتیا په لوړولو کار وکړي. د دې ترڅنګ هغه په عوایدو تاکید وکړ چې باید ټاکلې موخې ته ورسېږي.
د غونډې پر مهال یو شمېر رییسانو او امرینو د اونۍ په اوږدو کې د خپلو فعالیتونو راپور وړاندې کړ ،
د غونډې په پای کې ښاغلي احمدزي د چارو پر لا چټکیا تاکید وکړ او په خبر یې چې باید په لږه موده کې زیاتې موخې ترلاسه کړو.
