د سټنډرډ ملي ادارې د امنیتي او دفاعي ځواکونو ملي ورځ ولمانځله.
یکشنبه
۱۰/ کب/۱۳۹۹
د سټنډرډ ملي ادارې د رهبرۍ له لوري د امنیتي او دفاعي ځواکونو ملي ورځ د یوې غونډې په لړ کې ولمانځل شوه. په دغه غونډه کې د سټنډرډ ملي ادارې لوی رییس عزیز احمدزي، د هېواد یو شمېر امنیتي او دفاعي منسوبینو او ځواکونو، د دې ادارې مرستیالانو او کارکوونکو او دغه راز یو شمېر افغان امنیتي او دفاعي ځواکونو برخه لرله.
ښاغلي احمدزي د خپلو خبرو پر مهال افغان امنیتي او دفاعي ځواکونه وستایل او دوی یې نه یواځې د خاورې، بلکې د وطن د هر فرد د عزت او هوسا ژوند ساتونکي یاد کړل. د هغه په خبره افغان امنیتي او دفاعي ځواکونو د توان په وروستي حد کې له دې خاورې او خلکو دفاع کړې او ملاتړ یې زمونږ مسوولیت دی.
د غونډې په اوږدو د دې ادارې مرستیالانو هم خبرې وکړې او د امنیتي ځواکونو روحیه یې وستایله. د مراسمو په پای کې د امنیتي ځواکونو د ستاینې او لا هڅونې او د دوی د قربانیو او سرښندنو د ویاړ په موخه تقدیر کړای شول.
