د سټنډرډ ملي ادارې د نساجي او څرمنې تخنیکي کمیټې غونډه ترسره شوه
د سټنډرډ ملي ادارې د نساجي او چرم د سټنډرډونو جوړونې د تخنیکي کمیټې غونډه د اړوندې کمیټې د رئیس او غړو په ګډون سره ددې ادارې د تخنیکي غونډو په تالار کې ترسره شوه.
پدې غونډه کې د لاندې سټنډرډونو مینوت تائید شو:
- د بوټ د تلو (سبتلې) د ابعادو پاېښت د ازمایښت کړنلاره
- د څرمنو (چرم) فزیکي او میخانیکي ازمایښت – د یوې حاشیې د څیرېدو د فشار ټاکل
- د چرم د اوبو بخار د جذب د ازمایښت کړنلاره
همداراز، د لاندې لومړنیو مسودو په اړه بحث او نظرونه تبادله شول:
- د چرم فزیکي او میخانیکي ازمایښت – د دوو حاشیو د څیرېدو د فشار ټاکل
- د کیمیاوي، فزیکي، میخانیکي او د چرم د رنګ د پاېښت ازمایښت لپاره د نمونې د اخیستلو د ځای ټاکل.
ورپسې، د ۱۴۰۴ کال د کمیټې پلان او د راتلونکي کال لپاره د جوړونې وړ معیارونه هم وڅېړل شول.
