د سټنډرډ ملي ادارې د کانونو او کان کیندنې د سټنډرډونو د جوړونې تخنیکي کمېټې غونډه ترسره شوه
د سټنډرډ ملي ادارې د کانونو او کان کیندنې د سټنډرډونو د جوړونې تخنیکي کمېټې غونډه د ملي سټنډرډونو او ودانیزو کوډونو د رئیس مولوي محمد حنیف، د اړوندې کمېټې رئیس او غړو په ګډون ددې ادارې د تخنیکي غونډو په تالار کې جوړه شوه.
په دې غونډه کې ددې کمیټې د غړو لخوا د ډبروسکرو او کُک د تقریبي تحلیل او وروستي تحلیل مسوده تائید شوه او د ASTM D3180 سټنډرډ پراساس د ډبرو سکرو او کُک د تحلیل لپاره د کاري کړنلارې د سټنډرډ په اړه بحث او نظرونه تبادله شوه.
