د سټنډرډ ملي ادارې کارکوونکو ته د قرآنکریم د ترجمې او تفسیر دوره
د سټنډرډ په ملي اداره کې د دعوت ارشاد ریاست لخوا د قرآنکریم د ترجمې او تفسیر د درسونو لړۍ پیل شوې ده. دغه قرآني درسي حلقه چې د پیاوړي مدرس له خوا پر مخ وړل کېږي، هره ورځ د سهار په ۸ بجو د سټنډرډ ملي ادارې د زده کړو په خونه کې ترسره کېږي.
دغه ښوونیزه دوره د الهي کلام له مفاهیمو سره د اشنایۍ او د هغو د ښه فهم او درک په موخه جوړه شوې ده، چې له نېکه مرغه، د دې ادارې لسګونه کارکوونکي په پوره شوق او لېوالتیا ګډون پکې کوي.
