د (ITC) له خوا د (ISO 17025) سټنډرډ په اړه څو ورځنی زده کړیز پروګرام په سټنډرډ ملي اداره کې ترسره شو.
د (۱۳۹۸ هـ ش) کال د لړم میاشتې په (۲۷ او ۲۸) نېټه د (ITC) یا د سودارګرۍ د نړیوال سازمان له خوا د (ISO 17025) سټنډرډ په اړه څو ورځنی زده کړیز پروګرام د سټنډرډ ملي ادارې د غونډو په تالار کې ترسره شو.
په دغه پروګرام کې د انسا ادارې د رییسانو او تخنیکي کار کوونکو سربېره د عامې روغتیا او کرنې او مالدارۍ وزارتونو، د افغانستان د وچې مېوې، سبزۍ او ممیزو د صادراتو د پراختیا ریاست، د بلخ او هرات ولایتونو د خصوصي سکټور او د یو شمېر نورو هغو بنسټونو استازو په کې برخه درلوده چې د کیفیت د تضمین اړوند فعالیت ترسره کوي. دغه پروګرام د مطابقت ارزونې او د سټنډرډونو د تدوین د رییسانو په وینا سره پیل شو.
د دې زده کړیز پروګرام موخه د لابراتوارونو د فعالیت اړوند، د لابراتوار د سېسټم د عیارولو او د لابراتوار او د (۱۷۰۲۵) سټنډرډ د ترویج په اړه د مسلکي کارکوونکو د وړتیا لوړل وو چې دوه ورځې یې دوام وکړ.
د (ISO 17025) نړیوال سټنډرډ چې د پراخه مخینو په پایله کې چمتو شوی دی د لابراتواري ازمېیښتونو او عیارولو ټولیزې اړتیاوې پوره کوي. دا په خپله دا ثابتوي چې ایا د کیفیت کوم سېسټم کارول شوی دی او کنه؟ او دا سټنډرډ له فني اړخه د معتبرو پایلو صلاحیت لري.
دا زده کړیز پورګرام په داسې حال کې ترسره کېږي چې د سټنډرډ ملي ادارې هم د (ISO 17025) سټنډرډ په اړه دا ډول زده کړیز پروګرامونه ترسره کړي دي.
