په کندهار ولایت کې د سټنډرډ ملي ادارې د سیار لابراتوار پروسه
د نفتي توکو د معیاري کولو او د هېواد په بازارونو کې د درغلیو د مخنیوي په موخه د سټنډرډ ملي ادارې په کندهار ولایت کې د نفتي توکو د کیفیت تثبیت او کنټرول پروسه پیل کړې.
دا پروسه چې د سیار لابراتوار او تجربه لرونکي او مسلکي انجینرانو لخوا پر مخ وړل کیږي، په بندر کې د کیفیت د ثبات سربیره د تیلو کیفیت بیا کنټرول لپاره ترسره کیږي، چې د بې کیفیته لرونکي تیلو خرڅلاو مخه ونیول شي.
د روان کال له لومړۍ نېټې څخه تر ۳۱مې نېټې پورې د تېلو (۱۷۹۳) ټانکرونه چې ټول وزن یې( ۶۲۷۵۷) ټنه دی، تر جدي پلټنو لاندې ونیول شول. د سټنډرډ ملي اداره په هېواد کې د نفتي توکو د کيفيت لوړولو ته ژمنه ده او د خپلو ګرانو هېوادوالو د روغتيا د ساتنې لپاره اساسي اقدامات ترسره کړي دي.
