د سټنډرډ ملي ادارې عمومي رئیس د هرات ولایت د تورغونډۍ او اسلام قلعه له بندرونو څخه لیدنه وکړه
د سټنډرډ ملي ادارې عمومي رئیس الحاج ملا فیض الله تمیم هرات ولایت ته د خپل رسمي سفر په ترڅ کې د تورغونډۍ او اسلام قلعه له بندرونو څخه لیدنه وکړه. په دې سفر کې د سټنډرډ ملي ادارې تخنیکي مرستیال محترم مفتي محمد حامد، د دې ادارې د مطابقت ارزونې رئیس، د ادارې سلاکار او مولوي وحید احمد بدري د ادارې د دفتر رئیس ملګري وو.
د دغه سفر موخه په يادو بندرونو کې د انسا ادارې د فعاليتونو څېړنه او په يادو بندرونو کې د سوداګرو لپاره د لازمو اسانتياوو برابرول وو.
د سټنډرډ ملي ادارې مشرتابه پلاوي د لازمې همغږۍ د رامنځته کولو او د چارو د ښه والي په موخه د هرات ولایت له مسؤلینو سره وکتل او په دې اړه یې د هرات ولایت د سټنډرډ ملي ادارې مسؤلینو او کارکوونکو ته لازمې لارښوونې او سپارښتنې وکړې.
