د افغانستان اسلامي امارت د عالي مقام د حکمونو او فرمانونو د څارنې عمومي ریاست او د سټنډرډ ملي ادارې ترمنځ غونډه ترسره شوه.
په دې غونډه کې د سټنډرډ ملي ادارې تخنيکي مرستيال مولوي محمد اصف قانت، اداري او مالي مرستيال مولوي عطاء الله فريد، د افغانستان اسلامي امارت د عالي مقام د حکمونو او فرمانونو د څارنې ریاست چارواکو او استازو او د سټنډرډ ملي ادارې رئیس دفتر مولوي وحيد احمد بدري او اړوندو برخو رئیسانو ګډون کړی و.
یاده غونډه د افغانستان د اسلامي امارت د فرمانونو او احکامو د تطبیق په موخه د یادو ادارو ترمنځ د همکارۍ او همغږۍ په موخه ترسره شوه
د عالیقدر امیرالمؤمنین حفظه الله د حکمونو او لارښوونو د تطبیق د څارنې ډلې د عالیقدر مشرتابه فرمانونو تطبیق په اسلامي نظام کې واجب او یو مکلفیت وباله.
ورپسې د سټنډرډ ملي ادارې مسوولینو د عالیقدر مشرتابه د حکمونو او لارښوونو په وخت او سم تطبیق کې د هر اړخیزې همکارۍ ژمنه وکړه.
