د سټنډرډ ملي اداره د ځینو مسلکي بستونو د ازموینې پروسه د آزادې سیالۍ له لارې ترسره شوه
دغه ازموینه د سټنډرډ ملي ادارې د پلان او پالیسۍ رئیس مفتي محمد حامد، د ملي سټنډرډونو او ودانیزو کوډونو د جوړونې او رواجولو رئیس مولوي محمد حنیف، د کارکوونکو چارو امر مفتي فضل الرحمن منصور، د اداري اصلاحاتو کمیسیون استازو او اړوندو مسؤلینو په حضور کې ترسره شوه.
پدې بستونه کې د (د بریښنایي تجهیزاتو سټنډرډونو د تطبیق څارونکي، د نساجۍ او غالۍ سټنډرډونو د تطبیق څارونکي، د نساجۍ او چرم سټنډرډونو د جوړونې کارپوه، د درملو، سینګار او بهداشتي توکو د سټنډرډونو د جوړونې کارپوه، د نساجۍ او غالۍ لابراتوار تکنیشن او د حجم او طول لابراتوار تکنیشن) شپږ بستونه شامل وو، چې د آزادې سیالۍ له لارې یې ازموینه واخیستل شوه.
په دې ازموینه کې لسګونه وړو کسانو د یادو بستونو لپاره په خپل منځ کې سیالۍ ترسره کړه او د خوشحالۍ ځای دی چې د یادو بستونو د غوښتونکو د شارټ لیست کولو او د ازموینې اخیستلو پروسه په عادلانه او شفاف ډول ترسره شوه.
د سټنډرډ ملي اداره ژمنه ده چې په کار پوه، مسلکي او متخصص کسان جذب کړي او د تشو بستونو لپاره د وړ کسانو ګمارنه د ازادې سیالۍ له لارې دوام لري.
