د سټنډرډ ملي ادارې تخنیکي عمومي رییسې د ګمرکونو له لوی رییس سره لیدنه وکړه.
۲۳/چنګاښ/۱۴۰۰
د سټنډرډ ملي ادارې تخنیکي عمومي رییسې ساناز سلیمي د ګمرکونو عمومي رییسې امنې احمدي سره لیدنه وکړه. دغه ناسته چې د انسا ادارې او ګمرکونو لوی ریاست تر منځ د لا زیاتې همکارۍ او همغږۍ په موخه ترسره شوه، د دواړو ادارو تخنیکي استازو هم په کې برخه لرله.
دوی دواړو د صلاحیتونو او د دنده ییز تداخل او صلاحیتونو د جوړښت او تنظیم پر کمي او کیفي مثبتو بدلولونو بحث او نظرونه وړاندې کړل. د دې ترڅنګ د انسا ادارې له خوا ترتیب شوی هوکړه لیک د اغلې سلیمي له خوا د مطالعې او سالمو نظرونو د وړاندې کولو په موخه د ګمرکونو رییسې ته وړاندې شو.
د دغه هوکړه لیک پر بنسټ هېوادوالو ته د فعالیتونو د ترسره کولو په برخه او چوپړیاو کې د اسانتیاو په رامنځ ته کولو سره به مثبت بدلونونه رامنځ ته شي.
