د سټنډرډ ملي ادارې د حلالو خوړو د ملي سټنډرډونو په اړه غونډه جوړه شوه
د سټنډرډ ملي ادارې د حلالو سټنډرډونو د جوړونې تخنیکي کمیټې غونډه د اړوند کمیټې د رئیس او غړو په ګډون ددې ادارې د تخنیکي غونډو په تالار کې ترسره شوه.
په دې غونډه کې د "د حلالو حیواناتو لپاره د خوراکي توکو سټنډرډ" او ددې ورته نورو مهمو موضوعاتو په اړه بحث وشو. د یاد سټنډرډ تخنیکي ټکي وڅېړل شول او په پایله کې یې یاد سټنډرډ وروستی شو.
دا سټنډرډ هغه اساسي شرایط ټاکي، چې د حلالو حیواناتو د خوراک لپاره د خامو توکو څخه تر وروستني محصول پورې، د اسلامي احکامو پر بنسټ په پام کې نیول شوي دي.
