د سټنډرډ ملي ادارې د روغتیا او طبي وسایلو د سټنډرډونو د تخنیکي کمیټې غونډه ترسره شوه
د سټنډرډ ملي ادارې د روغتیا او طبي وسایلو د سټنډرډونو تخنیکي کمیټې غونډه ددې کمیټې د رئیس او غړو په ګډون سره د انسا ادارې د تخنیکي غونډو په تالار کې ترسره شوه.
پدې غونډه کې د طبي وسایلو، د طبي وسایلو د نښو نښانو او علامو، د طبي وسایلو د نښه اېښودنې لپاره د کارېدونکو نښو او وړاندې شويو معلوماتو لومړی برخه: عمومي اړتیاوې (INSO 8629_1) او نورو اړوندو موضوعاتو په اړه بحث او نظرونه تبادله شول.
د روغتیا او طبي وسایلو سټنډرډونه د هغو مهمو معیارونو څخه دي چې د انسانانو ژوند او روغتیا ته مستقیم اغېز لري، او د دې سټنډرډونو نه پلي کېدل د عامې روغتیا او خوندیتوب له بیلابیلو خطرونو سره مخ کولی شي.
