د سټنډرډ ملي ادارې د لوی رییس په مشرۍ غونډه ترسره شوه.
شنبه
۱۰/لړم/۱۳۹۹
د سټنډرډ ملي ادارې د لوی رییس عزیز احمدزي په مشرۍ اونیزه غونډه ترسره شوه چې د دې ادارې رییسانو، سلاکارانو او کار کوونکو په کې برخه درلوده.
د غونډې په پيل کې ښاغلي احمدزي له مسوولو کسانو سره د دې ادارې د روانو او راتلونکو پروژو په تړاو بحث وکړ او د پروژو د قراردادونو په برخه کې یې پر زیات دقت او چکټیا تاکید وکړ.
دغه راز په تېره اونۍ کې د سټنډرډ ملي ادارې د ټولو بندرونو پر عوایدو بحث وشو چې د معلوماتو له مخې په تېره اونۍ کې د پام وړ عواید راټول شوي دي. د دې ترڅنګ په غونډه کې په ننګرهار او کندهار ولایتونو کې د برښنايي انرژۍ په اړه د یو ورکشاپ پر پیل بحث وشو.
د ناستې په اوږدو کې د ادارې یو شمېر مسوولینو د تېرې اونۍ راپورونه وړاندې کړل او د راتلونکو پلانونو په تړاو یې معلومات ورکړل.
