د سټنډرډ ملي ادارې د مرکز او ولایتي څانګو مالي کارکوونکو ته روزنیز ورکشاپ جوړ شو
د سټنډرډ ملي ادارې مرکز او ولایتي د مالي څانګو کارکوونکو ته د ظرفیت لوړونې روزنیز ورکشاپ پیل شو. په دغه ورکشاپ کې د سټنډرډ ملي ادارې مالي او اداري آمر شمس الرحمن عکرمه او د دغه ادارې د ولایتي څانګو مالي مسؤلینو ګډون کړی وو. یاد ورکشاپ چې څلور ورځې دوام وکړ، د مالیې وزارت د مسلکي روزونکو له خوا په خورا مهمو مالي مسایلو لکه لګښتونه، د پیسو او معاشونو فورمې او نور مالي سیستمونه زده کړې وکړې. د سټنډرډ ملي ادارې مالي چارو آمر ښاغلي عکرمه د دغه ډول ورکشاپونو له جوړېدو خوښي څرګنده کړه او ويې ويل، چې د مالي څانګې د ټينګښت او پياوړتيا په موخه دا ډول پروګرامونه په لاره اچول د ادارې کارونه ته شفافیت او چټکتیا وربښي.
