د سټنډرډ ملي ادارې د نفتي توکو د سټنډرډونو د جوړونې د تخنیکي کمیټې غونډه ترسره شوه
دا غونډه د ملي سټنډرډونو او ودانیزو کوډونو د جوړولو او رواجولو د رئیس مولوي محمد حنیف، ددې کمیټې د رئیس او غړو په ګډون سره د تخنیکي غونډو په تالار کې جوړه شوې وه.
پدې غونډه کې په انجنو کې د ډیزلي غوړیو په ځانګړتیاوو او ورته موضوعاتو باندې بحث او د نظرونه د تبادله وشوه. ددې سټنډرډ د جوړونې موخه په انجنو د مناسبو او کیفیت لرونکو غوړیو د ځانګړتیاوو ټاکل دي.
یاد سټنډرډ د وسایطو د غوړیو د کیفیت تضمینولو، د وسایطو د اِنجنو د عوارضو کمولو، د چاپیریال ساتنې، اقتصاد څخه د ملاتړ، د نړیوالو معیارونو سره همغږي او د مصرف کوونکو د حقوقو ساتنې لپاره ډېر ارزښت لري.
