د سټنډرډ ملي ادارې عمومي رئیس الحاج ملا فیض الله " تمیم" او ورسره مل پلاوي د حیرتانو او آقینې بندرونو څخه لیدنه وکړه.
د سټنډرډ ملي ادارې عمومي رئیس الحاج ملا فیض الله " تمیم" د خپل رسمي سفر په ترڅ کې د بلخ او فاریاب ولایتونو امریتونو څخه لیدنه وکړه. په دې سفر کې د سټنډرډ ملي ادارې عمومي رئیس الحاج ملا فیض الله تمیم، د ولایتي چارو رئیس مولوي احمد الغازي، د مرکز لابراتوارونو امر ملا زبیر سعد او اړوندو شعباتو مسؤلین و.
د دغه سفر موخه په يادو بندرونو کې د انسا ادارې د فعاليتونو څېړنه او د سوداګرو لپاره د لازمو اسانتياوو برابرول و.
د سټنډرډ ملي ادارې مشرتابه پلاوي د لازمې همغږۍ د رامنځته کولو او د چارو د ښه والي په موخه د دې ولایت له مسؤلینو سره وکتل او په دې اړه یې د حیرتانو او آقینې بندرونو د سټنډرډ ملي ادارې مسؤلینو او کارکوونکو ته لازمې لارښوونې او سپارښتنې وکړې.
