د سټنډرډ ملي ادارې عمومي رئیس د چارو ادارې له مرستیال سره وکتل
د سټنډرډ ملي ادارې عمومي رئیس ښاغلي الحاج ملا فیض الله تمیم په خپل کاري په دفتر کې د چارو ادارې د پالیسۍ او څارنې له مرستیال ښاغلي سیف الدین طیب سره وکتل. په دې غونډه کې د سټنډرډ ملي ادارې تخنیکي مرستیال مفتي محمد حامد، د دې ادارې مالي او اداري مرستیال مولوي عطاء الله فرید، د دفتر رئیس مولوي وحید احمد بدري او اړوندو شعباتو رئیسانو او مسؤلینو ګډون کړی وو. دغه غونډه د چارو د ښه والي او د هغو د تطبیق د څرنګوالي په موخه جوړه شوې وه. د سټنډرډ ملي ادارې عمومي رئیس د چارو ادارې مرستیال ته ښه راغلاست ووایه او په سټنډرډ ملي اداره کې د شویو پرمختګونو په هکله خبرې وکړې او د چارو ادارې د همکاریو څخه یې مننه وکړه.
