د ۱۴۰۴ مالي کال لپاره د ۱۲۰۰۰ کیلوګرامه مایع ګاز د تدارک اعلان
د افغانستان سټنډرډ ملي اداره ټولو په شرایطو برابرو غوښتونکو ته بلنه ورکوي، تر څو د ۱۴۰۴ مالي کال لپاره د (۱۲۰۰۰) کیلو ګرامه مایع ګاز د تدارک د داوطلبۍ په پروسه کې ګډون وکړي. علاقه مندان کولای شي اړوند شرطنامه (شرطنامې فایل) په وړیا ډول د سټنډرډ ملي ادارې د تدارکاتو آمریت څخه په فلش ډیسک کې یا د ملي تدارکاتو له ویبسایت څخه ترلاسه کړي.
وړاندیزونه (آفرونه) باید د اعلان له نېټې وروسته د ۲۱ تقویمي ورځو دننه، د شرطنامې د شرایطو مطابق، په تړلي بڼه د سټنډرډ ملي ادارې د تدارکاتو آمریت ته چې د کابل-جلال آباد لویې لارې، صنعتي ښارګوټي، نوي سړک ته څېرمه موقعیت لري، وسپارل شي. ناوخته رسېدلي او انټرنټي وړاندیزونه د منلو وړ نه دي.
د وړاندیز تضمین باید د بانکي تضمین په ډول وي، چې ارزښت یې (۲۵۰۰۰) پنځه ویشت زره افغانۍ دی.
د وړاندیز پرانستلو غونډه د اعلان له نېټې څخه ۲۱ ورځې وروسته، د سهار په ۱۰:۰۰ بجو، د سټنډرډ ملي ادارې د تدارکاتو آمریت (دریم پوړ) کې ترسره کېږي.
