ټاکل شوې د سټنډرډ ملي ادارې د ډیجیټل چارو لړۍ په ازمایښتي ډول پیل شي.
12 زمری 1400
د افغانستان سټنډرډ ملي ادارې او فانټم عملیاتي شرکت ترمنځ د اداري چارو د ډیجيټل کولو په موخه ناسته ترسره شوه. په دغه ناسته کې د سټنډرډ ملي ادارې لوی رییس ښاغلي ذبیح الله زیارمل، د فانټم نړیوال شرکت مشر او د دواړو لورو تخنیکي کارکوونکو برخه لرله.
ښاغلي زیارمل د ادارې د ډیجیټل چارو پر ارزښت هر اړخیزه خبرې وکړې او په هېواد کې د برښنایي حکومتولۍ په برخه کې یې د ولسمشر صریح لارښوونې ته اشاره وکړه. نوموړي دغه راز په تخنیکي، مالي، د عوایدو راټولولو، له بندرونو سره د مرکز نښلول، کیفي تصدیق لیکونو پروسه او په ځانګړې توګه د ډیجټل سرټیفیکټ په برخو کې د انسا ادارې د چارو الکټرونیکي کولو په اړه خپلې طرحې وړاندې کړل.
د فانټوم عملیلتي شرکت رهبرۍ د چارو د ډیجیټل کولو په تړاو مننه وکړه او د انسا ادارې د یو شمېر څانګو په برخه کې یې په ازمایښتي توګه د کار د پیل خبر ورکړ.
دغه شرکت چې یو نړیوال شرکت دی، په نړیواله کچه د ډیجیټل چارو په برخه کې چوپړتیاو وړاندې کوي او په افغانستان کې هم له بېلا بېلو ادارو سره د چار ډیجیټل کولو پروژې ډیزاین او پلې کوي.
