په سټنډرډ ملي اداره کې د چاپیریال د سټنډرډونو د جوړونې اړوند غونډه ترسره شوه
د سټنډرډ ملي ادارې د چاپیریال د سټنډرډونو تخنیکي غونډه ددې کمیټې د رئیس او غړو په ګډون سره د تخنیکي غونډه په تالار کې جوړه شوه.
پدې غونډه کې د ودانیو او سایټونو د فاضله اوبو د لیږدول د تجهیزاتو د سټنډرډ په مسودې۲: د چټلۍ څخه پاکو فاضله اوبو د لیږد تجهیزاتو په اړه او دې ته ورته موضوعاتو باندې بحث او د نظرونو تبادله وشوه. همدارنګه په یاده غونډه کې ددې سټنډرډ د موخو، د کارونې برخو، اړینو سرچینو، اصطلاحاتو او تعریفونو، د لیږد اغیز، تهویې او نورو اړوند تخنیکي موضوعاتو په اړه بحث وشو.
د فاضله اوبو د تصفیې موخه دا ده چې هغه توکي جلا کړي چې فاضله اوبو بیا ځلې د کارونې وړ ګرځوي یا د هغو د پرېښودلو د چاپیریال د اوبو سرچینو ته زیان ونه رسوي. هغه توکي چې معمولاً له فاضله اوبو څخه جلا کیږي عبارت دي له: معلق او شناور توکي او کلوئیدي توکي او محلولونه ددې توکو د لرې کولو لپاره له فزیکي، کیمیاوي او بیولوژیکي عملیاتو څخه کار اخیستل کیږي.
