د سټنډرډ ملي ادارې د مشرتابه پلاوي غونډه د دې ادارې د لوی رییس په مشرۍ جوړه شوه.
شنبه
د سټنډرډ ملي ادارې د مشرتابه پلاوي غونډه د دې ادارې د لوی رییس ذبیح الله زیارمل په مشرۍ او د اړونده برخو رییسانو او کارکوونکو په ګډون جوړه شوه.
ښاغلي زیارمل په پیل کې د کرونا ناروغۍ د درېیمې څپې د مخنیوي په موخه د عامې روغتیا وزارت په سپارښتنو او د واکسینو په کولو ټینګار وکړ او د ادارې په بېلا بېلو برخو کې د جدي تدابیرو د نیولو غوښتنه وکړه.
نوموړي دغه راز د مټرولوژۍ انسټیټوټ د ایجاد په موخه اړوندې برخې ته د یوې کلي طرحې د جوړولو دنده وسپارله.
د دې ترڅنګ په غونډه کې د افغانستان د قېمتي ډبرو د ازمېیښت او د کیفیت د تصدیق په موخه د سټنډرډ لابراټوار د ایجاد پر طرحه او د انسا ادارې په لسو لومړیتوبونو او په یو شمېر نورو مهمو برخو بحث ترسره شو.
د غونډې په اوږدو کې اړونده برخو د خپلو فعالیتونو راپور وړاندې کړ چې د ښاغلي زیارمل له لوري یې د چارو د لا ښه والي په موخه لازمې سپارښتنې او لارښوونې ترلاسه کړې.
