د سټنډرډ ملي ادارې د بودجې د څېړنې کمېټې ځانګړې ناسته ترسره شوه.
۲۳ /چنګاښ/۱۴۰۰
د سټنډرډ ملي ادارې د مالي او اداري چارو عمومي رییس محمد وحید نوري په مشرۍ د بودجې د ترتیب څېړنې، د ۱۴۰۰ کال د بودجې د لګښت څرنګوالي، د ۱۴۰۱مالي کال تشکیلاتي جوړښت، د ۱۴۰۰ مالي کال تدارکاتي پلان او د ۱۴۰۱ مالي کال د بودجې تنظیم په موخه ناسته ترسره شوه. دغه ناسته چې د دغه ریاست په دفتر کې جوړه شوې وه، د دې ادارې لوی سلاکار، تخنیکي عمومي رییسې، رییسانو او د اړونده برخو یو شمېر مسووولینو په کې برخه درلوده.
په پیل کې ښاغلي نوري په سالم مدیریت، ډسپلین او د ادارې په بېلا بېلو برخو تر منځ پر همغږۍ ټینګار وکړ او زیاته یې کړه، بودجه مالي سند دی چې مالي چارې یې پر اساس تنظمېږي، پر دې بنسټ د ۱۴۰۰ مالي کال د بودجې تطبیقي پلان فعالیتونو پر تطبیق او د ۱۴۰۱ مالي کال پلانونه او د بودجې د ایجاد په برخه کې د ترسره شوو فعالیتونو څرنګوالی ادارې ته ځواب ویونکی وي.
ښاغلي نوري وښوده، کله چې د بودجې جوړونې اصول او د ادارې پراخوالی او وده له واقعي شمېر سره سم مراعات نه شي، ادارې ته زیان رسېږي. هغه زیاته کړه، د یوې اونۍ په اوږدو کې د تشکیل جوړښت او د دندو لایحې بیا وکتل شي او د قانوني مشروعیت ترلاسه کړي او د ټولو لارښوونو او سپارښتنو په اجرا کولو کې دې همکاري او همغږي رامنځ ته شي.
د دې ترڅنګ د مالي ریاست له لوري د۱۳۹۹ او ۱۴۰۱ مالي کالونو د بودجې د تطبیق او انډول په اړه پرزنټېشن وړاندې شو او د عادي او پراختیايي بودجې د لګښت، د لګښت او پراختیايي پروژو د پرمختګ کچه، د ۱۴۰۰ او ۱۴۰۱ مالي کالونو د پروژو په اړه د منظم وخت او تدابیرو د پلان، د تشکیل اصلاح، د کارکوونکو معاشونو، د تدارکاتي پلان د ستونزو حل او د پروژو د اړتیاو او تخمیني بیې په اړه بحث او نظرونه وړاندې شول.
د ناستې په جریان کې د پروژو په اړه د زده کړیزو پروګرامونو ترسره کولو، د پروژو د واقعي اسنادو بیا کتنه، د اداري چارو ډیجیټل کول، د لسو کاري لومړیتوبنو په نظر کې نیولو سره د تخنیکي قېمت سنجش او د ادارې د اړتیاو په اړه هوکړه وشوه.
د ناستې په پای کې ښاغلي نوري د ادارې د بودجې د لا اغېزمنتیا او ګټور تطبیق په اړه د غونډې د ګډونوالو نظرونه واخیستل او له دوی یې وغوښتل، څو د بودجوي پلان او د ناستې د پرېکړو په عملي کولو کې جدي ګام پورته کړي او اړونده چارو ته چټکیا ورکړي.
