د سټنډرډ ملي ادارې عمومي رئیس الحاج ملا فیض الله تمیم په وزارت تجارت او صنعت په نړیوال نندارتون کې په خپلو خبرو کې وویل
خوښ یم لله الحمد په یو داسې پروګرام کې ګډون کوم چې د هیواد اقتصادي او سوداګریزو پرمختګونه راته څرګندوي.
په دوهم قدم کې د ټولو هغه ملي تجارانو, سرمایه ګذارانو او صنعت کارانو څخه مننه کوم چې د خپل ځاني توان او زحمت ترڅنک یې د خپل مال په مصرفولو سره دې هیواد ته ژمنتیا ښودلې ده.
ځکه داخلي تولیدات د هیواد اقتصادي خود کفایي په برخه کې یو مهم ګام دی.
لکه څرنګه چې د هیواد د پرمختګ لپاره سرمایه ګذاري او صنعت ته اړتیا ده همداسې په خپل صنعت او تجارت کې ملي سټنډرډونه په پام کې او مراعات کولو ته هم اړتیا ده.
په همدې اساس موږ شپه او ورځ کار کوو تر څو په هیواد کې د لوړ کیفیت تولید کوونکي تشویق او تقدیر کړو او ستاسو په همکاری د بې کیفیته توکو تولید, پیر او پلور ته د پای ټکی کیږدو او ځانونه د هغه حدیث مصداق وګرځوو چې ( لا ضرر وضرار) مه ځان ته نقصان رسوه. یو ځل بیا پر ټولو ملي تجارانو,سرمایه ګذارانو او صنعت کارانو غږ کوم چې په خپل تجارت او صنعت کې د بې کیزفیته توکو د تورید او تولید څخه ډډه وکړئ تر څو ګران او مجاهد ولس د هر قسم ځاني او مالي ضرر څخه محفوظ وي او تر څنګ یې افغاني محصولات او تولیدات په نړیوالو بازارونو کې ارزښت پیدا کړي.
