د سټنډرډ ملي ادارې او د صنعت او سوداګرۍ وزارت تر منځ پر همغږۍ او ګډې همکارۍ کار کېږي.
۶/سلواغه/ ۱۴۰۰
د صنعت او سوداګرۍ وزیر نثار احمد غوریاني د دې ادارې له لوی رییس ذبیح الله زیارمل سره په لیدنه کې د افغانستان د وارداتي ــــ صادراتي توکو د معیاري کولو په ګډې همکارۍ خبرې اترې وکړې.
ښاغلي زیارمل د دې دواړو ادارو مسوولیتونو او صلاحیتونو ته په کتو پر همغږۍ او همکارۍ تاکید وکړ او په وینا یې په خصوصي سکټور کې د هغه د کاري تجربې له مخې د صنعتکارانو او سوداګرو له ټولو ستونزو سره اشنا دی او په نږدې راتلونکي کې به د صنعت او سوداګرۍ وزارت په مرسته ټولې ستونزې حل کړي.
د دې ترڅنګ ښاغلي غوریاني و ویل چې دغه وزارت له سټندرد ملې ادارې سره د وارداتو او صادراتو په هکله لابراټوارونو ته د جوازنو ورکړې او په نورو ټولو ازمایښتي برخو کې همکارۍ ته چمتو دی.
نوموړي دغه راز ښاغلي زیارمل ته د نوې دندې مبارکي هم ورکړه او په چارو کې یې ورته د بریا غوښتنه وکړه.
