په سټنډرډ ملي اداره کې د چاپیریال سټنډرډونو جوړونې اړوند غونډه ترسره شوه
د سټنډرډ ملي ادارې د چاپیریال د سټنډرډونو د جوړونې اړوند تخینکي کمېټه ددې کمېټې د رئیس او غړو په ګډون د تخنیکي غونډه په تالار کې جوړه شوه.
په دې غونډه کې د فاضله اوبو د تصفیه خونو د مسودې په ۱۶ برخه: د فزیکي فلتریشن (میخانیکي) اړوند تخینکي بحثونه او دې ته ورته موضوعاتو اړوند د نظرونو تبادله وشوه.
د فاضله اوبو د تصفیه موخه د هغو موادو جلا کول دي چې بیاځلې یې د کارونې وړ ګرځي، ترڅو د چاپیریال د اوبو سرچینو ته زیان ونه رسوي. هغه مواد چې معمولا باید له فاضله اوبو څخه جلا شي تعلیق شوي او شناور مواد، کلوئیدي مواد او محلولونه دي.
چې ددې موادو د لرې کولو لپاره د فزیکي، کیمیاوي او بیولوژیکي عملیو څخه کار اخیستل کیږي.
