د سټنډرډ ملي ادارې د ودانیزو توکو د سټنډرډونو د جوړولو تخینکي غونډه ترسره شوه
د تخنیکي کمیټې غونډه د ملي سټنډرډونو او ودانیزو کوډونو د رئیس مولوي محمد حنیف، ددې کمیټې د رئیس او غړو په ګډون سره د تخنیکي غونډو په تالار کې جوړه شوې وه.
په دې غونډه کې د کانکریټو لپاره د کیمیاوي اضافه کوونکو توکو د سټنډرډ په مشخصاتو او د هغې په کړنلارې او اړوندو موضوعاتو په اړه بحث او د نظرونو تبادله وشوه.
د ودانیزو توکو سـټنډرډونه د ځانګړتیاوو، لارښوونو، تخنیکي او مسلکي مقرراتو یوه ټولګه ده، چې معماران او انجینران یې باید په وډانیز سکتور کې تعقیب کړي ترڅو د ودانیو خوندیتوب او ثبات ډاډمن کړي او له بلې خوا د طبیعي پیښو په وړاندې د ودانۍ مقاومت زیات کړي.
